Bura kia tha, muhabbet main

بُرا کیا تھا محبت میں ذرا سا مقتدر ہوتا
وصالِ یار بس میری رضا پر منحصر ہوتا

مسافت کی تھکن کا بوجھ کچھ معنی نہیں رکھتا
کنارے پر اترتے وقت کوئی منتظر ہوتا

وفا میری پریشاں کرگئی نامہرباں جیسے
اثر اس کی جفا کا بھی صبا سے منتشر ہوتا

ابھی تک ہے سرورِ وارداتِ قلب اے واعظ
زمانہ خود کو دہراتا، وقوعہ کاش پھر ہوتا

مزاج یار تو برہم ہمیشہ سے ہی تھا اظہر
ترے جیسا اگر ہوتا، ذرا سا منکسر ہوتا

Bura kia tha, muhabbet main zara sa muqtadir hota
Visal e yaar bus meri raza per munhasir hota

Wafa meri pareshan kar gai, na mehrubaan jaisay
Aser us ki jafa ka bhi, saba say muntashir hota

Abhi tuk hai, Suroor e wardaat e qalb aiy waiz
Zamana khud ko dohrata, waqooa kash phir hota

Mizaj e yaar to barham hamesha say hi tha Azhar
Teray jaisa agar hota, zara sa munkasir hota
By: Azharm Azhar