میں جُرمِ خموشی کی صفائی نہیں دیتا
ظالِم اُسے کہیے، جو دُہائی نہیں دیتا
کہتا ہے کہ آواز یہیں چھوڑ کے جاؤ
میں ورنہ تمہیں اِذنِ رہائی نہیں دیتا
چَرکے بھی لگے جاتے ہیں دیوارِ بدن پر
اور دستِ ستمگر بھی دِکھائی نہیں دیتا
آنکھیں بھی ہیں، رستا بھی، چراغوں کی ضیاء بھی
سب کچھ ہے، مگر ہاتھ سُجھائی نہیں دیتا
اب اپنی زمیں چاند کی مانند ہے انور
بولیں تو کسی کو بھی سُنائی نہیں دیتا
انور مسعود
Men jurm e khamoshi ki safai nhe deta
zalim usay kahiye jo duhai nhe deta
kehta hay k awaz yahein chhorr k jao
men warna tmhen izn'e rehai nhe deta
charkay b lagay jatay hen dewar e badan pr
aor dast'e sitam'gar b dikhai nhe deta
aankhen b hen rasta b charaghon ki zia b
sb kuch hay magar hath sujhai nhe deta
ab apni zameen chan ki manind hay Anwar
bolein to kisi ko b sunai nhe deta
Anwar Masood.
Comments
Post a Comment